Во Барселона синоќа се одржа концерт со 5.000 луѓе, сите присутни биле тестирани – Makedonija News

Во Барселона синоќа се одржа концерт со 5.000 луѓе, сите присутни биле тестирани

Синоќа во Барселона, првпат од почетокот на пандемијата, се одржа концерт со публика од 5.000 луѓе. Сите присутни пред почетокот на концертот биле тестирани за коронавирус.

Концертот на алтернативниот бенд Love of Lesbian се одржа во салата Палау де Сант Џорди, која може да прими 24.000 луѓе.

Настанот беше организиран за да се тестира дали ваквите концерти, со строги хигиенски мерки, можат да бидат безбедни и покрај пандемијата.

Непосредно пред концертот, публиката мораше да се тестира за коронавирус во еден од трите специјализирани центри. Само шест од 5.000 тестови покажале позитивни резултати, според весникот „Ла Вангуардија“.

На заразените не им било дозволено да дојдат на концертот.

Резултатите од тестовите биле готови за 10-15 минути, а тестот и маската биле вклучени во цената на билетот.

Social profiles