Прекината собраниската седница каде точка на дневен ред е одложување на пописот – Makedonija News

Прекината собраниската седница каде точка на дневен ред е одложување на пописот

Денешната закажана собраниска седница каде точка на дневен ред е одложување на пописот, е прекината поради барањето на координаторот на пратеничката група на Алијанса и Алтернатива, Скендер Реџепи кој се противи на одложувањето.

Според тврдењата на Реџепи, била променета листата на обраќања на пратениците, за која велат, доставиле листа до Кабинетот на претседателот на Собранието, Талат Џафери.

Претседателот на Собранието кажа во кои случаи се составува листа на пратеници кои ќе зборуваат, и рече дека кога почнало продолжението не сите пратеници на оваа пратеничка група биле во салата да се пријават за збор.

Образложението зошто не биле пратениците во салата на Реџепи беше дека некои пратеници не можеле да најдат место за паркирање, а потоа морале и да се потпишат дека дошле во Собранието.

Претседателот на Собранието рече дека седницата била закажана за 15:00 часот и оти не е негов проблем што некој доаѓа во 15:15 часот и доцни на работа и притоа не наоѓа паркинг. Дека ќе има седница, потенцираше тој, се знаеше уште од вчера.

Џафери, сепак, го прифати барањето и даде еден час пауза.

Social profiles