Најголемата зелена фасада во светот е во Дизелдорф – Makedonija News

Најголемата зелена фасада во светот е во Дизелдорф

Како одговор на се поизразените климатски промени, во срцето на германскиот град Дизелдорф никна необична зграда: преку 30.000 растенија ја покриваат фасадата на петкатната деловна зграда Kö-Bogen II, проект на германското архитектонско биро Ingenhoven Architects.

Растенија, претежно ползавци, поставени се на фасадата во форма на жива ограда што се протега осум километри по косите ѕидови и кровот на зградата.

Како одговор на се поизразените климатски промени, во срцето на германскиот град Дизелдорф никна необична зграда: преку 30.000 растенија ја покриваат фасадата на петкатната деловна зграда Kö-Bogen II, проект на германското архитектонско биро Ingenhoven Architects.

Растенија, претежно ползавци, поставени се на фасадата во форма на жива ограда што се протега осум километри по косите ѕидови и кровот на зградата.

Покрај атрактивниот изглед, вегетацијата на фасадата обезбедува подобра изолација на објектот, а придонесува и за намалување на температурата на воздухот во околина на објектот, што е особено важно во урбаните средини во текот на жешките денови.

За зазеленување на објектот е избран граб, растение кое расте локално, па со самото тоа е отпорно и благодарно за одржување.

„Оградите од граб се вообичаени во Дизелдорф и растенијата што ги избираме ги задржуваат своите лисја во текот на зимата. Успеваат на северна и западна ориентација, отпорни се на силни ветрови, мала е веројатноста дека ќе бидат заразени од штетници и бараат само две до три кастрења во текот на годината. Во текот на зимата на овие растенија не им е потребно греење“, објаснуваат од Ingenhoven Architects.

Покрај комплексниот објект наменет за деловен простор, има и помал објект со триаголна основа, во кој се сместени ресторани и продавници, чиј покрив исто така е покриен со зеленило.

За Ingehoven Architects, овој тип на проекти не е новина, бидејќи компанијата е позната како еден од пионерите на одржлива архитектура.

Зградата со најголема зелена фасада во светот се наоѓа на плоштадот Gustaf-Gründgens во централниот дел на градот, на место со некогаш густ сообраќај.

Дваесет години траело сеопфатното реновирање на самото срце на градот, кое со овој проект, како и со реновирањето на зградата на театарот, конечно е завршено.

Social profiles