СОЧНО ПИЛЕШКО ВО СОС ОД СПАНАЌ И ЛИМОН! – Makedonija News

СОЧНО ПИЛЕШКО ВО СОС ОД СПАНАЌ И ЛИМОН!

Доколку снемате идеи како да готвите пилешко, ви носиме рецепт кој сигурно ќе го воодушеви целото семејство.

Состојки:

  • 4 поголеми батаци со карабатак
  • 200-300 грама свеж спанаќ
  • 200 мл крем за готвење
  • 200 мл пилешка супа или една коцка за супа и 200 мл вода
  • сок од еден лимон
  • 50 грама пармезан
  • со, бибер, лук по вкус.

Подготовка:

Вклучете ја рерната да се загрее на 250 степени. Одделете ги батаците посолете и бибер по вкус и пржете на врело масло 4 до 5 минути од секоја страна, додека не фати кора. Префрлете го пилешкото во соодветен огноотпорен сад или сад за печење, а на маснотијата што останала од пилешкото додадете свеж спанаќ исечен и со мешање динстајте 4 до 5 минути. Потоа во спанаќот додајте ја павлаката за готвење, пилешката супа, ренданиот пармезан и сокот од лимон. Со повремено мешање, динстајте го сосот на средна топлина околу 10 минути , додека не испари вишокот течност. Со сосот прелијте го пилешкото и печете на 180 степени 30 до 40 минути, односно додека пилешкото не е готово. Послужете топло, со пире од компири , варен ориз или тестенини.

Пријатно!

Social profiles