Црно чоколдо за подолг и поздрав живот – Makedonija News

Црно чоколдо за подолг и поздрав живот

Истражувачите од Универзитетот во Јужна Калифорнија анализирале стотина студии за исхрана, спроведени во текот на последните децении, во потрага по онаа која нуди најдобри шанси за подолг и поздрав живот.

Резултатите ги навеле истражувачите на заклучок дека токму чоколадото би можело да биде дел од таквата исхрана. Она што е важно да се напомене е дека станува збор исклучиво за црно чоколадо со висок процент на какао, а помеѓу намирниците кои треба во целост да се исфрлат или сведат на минимум се црвеното и сите видови на преработено месо.

Исто така се препорачува да се пости секој ден во период од 12 часа, по што остануваат уште 12 часа дневно во кои треба да бидат распоредени сите оброци.

Мешунките, целосните житарици и зеленчукот се клучен дел од планот на исхрана, како и многу јаткасти плодови и маслиново масло. Некои риби се дозволени за консумација, а внесот на пилешко месо треба да биде многу низок, како и внесот на шеќери и производи од рафинирани житарици како белиот леб и тестенините.

Social profiles